Të ishim bashkë, vetëm kaq... Shihe të zmadhuar

TË ISHIM BASHKË, VETËM KAQ...

Autori: Anna Gavalda

Botuesi: Botimet IDK

Faqe: 547

Viti i botimit: 2016



1 300 L



Libri mund të porositet nga çdo vend i botës. Transporti në Shqipëri është falas, përsa i përket vendeve të tjera, vlera e transportit ndryshon në vartësi të vendit. Vlerën e saktë të transportit e mësoni në momentin që mbyllni porosinë.

Përshkrimi

Detajet

“Tre të rinj, dy djem dhe një vajzë, tre fate që kryqëzohen papritur, kur ndihen të humbur, të braktisur, të përbuzur. Parisi, me rrugët, baret, dritat, mundësitë, historinë, joshjen është një shkretëtirë e pamatë për këta tre të rinj, që përballen me një jetë të vështirë e të vetmuar, aspak për faj të tyre, por për shkak të rrethanave dhe situatave dramatike familjare. Por, gjithkush ka përpara një derë të mbyllur, e cila, një ditë hapet çuditshëm dhe duket si një Sezam. Kjo derë, për personazhet e këtij romani është apartamenti ku ata kanë marrë me qira nga një dhomë dhe që shndërrohet në një botë të jashtëzakonshme ngjarjesh, ndjenjash të fuqishme e të ndërlikuara dhe ku fatet e tyre ndryshojnë përgjithnjë.   

 

          Romani ‘Të ishim bashkë, vetëm kaq...’, i Anna Gavaldës, nuk mund të lëshohet nga dora, pa u mbaruar me një frymë. Lexuesi, kurrsesi nuk mundet të largohet e të mos ndjekë faqe pas faqeje se çfarë i ndodh Kamilës, Filibertit dhe Frankut, këtyre figurave kaq të ndryshme nga njëra-tjetra, por që dalëngadalë, lidhen pazgjidhshmërisht me njëri-tjetrin.                     

 

          Romani qëndron në këmbë si një ndërtesë shumëkatëshe e, në secilin kat, secili personazh rikompozon fijet e këputura të jetës së tij. Stili i drejtpërdrejtë, humori, situatat tragjike, komike, ngjethëse e thellësisht psikologjike, mbushin faqet e librit. Dialogu është një veçori origjinale e kësaj vepre. I mprehtë, i shpejtë, i pasur dhe plot ritëm, ai portretizon personazhet njësoj si penelatat e një piktori.                      

 

          ‘Të ishim bashkë, vetëm kaq...’, është një roman i mrekullueshëm dhe i pandarë për bibliotekën e çdo libërdashësi.” 

                                                                                            Diana Çuli

Titulli:Të ishim bashkë, vetëm kaq...
Autori:Anna Gavalda
Botuesi:Botimet IDK
PërkthyesiDiana Culi
Faqe:547
Botuar me:2016
Pesha:0 Kg