E mora shoqëzën përkrah Lasgush Poradeci
E mora shoqëzën përkrah
Lasgush Poradeci
E mora shoqëzën përkrah,
E matmë rrugën ca-nga-ca,
Sikur na ndillte larg diçka.
Pa zu dita perëndoj,
Pa zu nata na mbuloj,
Pa zura shoqen ta pushtoj.
Përse buçet liqer i qet!
Liqer, ti ç’thua ndaj bucet!
Çfarë pe, liqer, mi zall të shkretë?
E çastin kur e sjell ndër mend,
Kur sjell ndër mend, ah, atë vend!
As rroj, as vdes, por jam pa mend.
