Ti qan – Lord Bajron
Ti qan
Ti qan e loti vetëtin
Qerpikëve të tu;
Elmazi i vesës në agim
Prej vjollcës shket ashtu.
Ti buzëqesh, ç’i ëmbël gaz
Shndrit në sytë e tu;
Sarifi zbehet n’atë çast
nga flakë e tyre blu.
Purpurn e reve ruan ti,
Kur dielli perëndon
Dhe errësira pa kufi
Nis botën e mbulon.
Kështu dhe vështrimi yt
Djeg retë e shpirtin tim;
Le t’erret! Brenda meje ndrit
I zjarrti perëndim!
Lord Bajron
