E re SERENATA Shiko nga afer

SERENATA

978-9928-00-273-0

Zülfü Livaneli

BOTA SHQIPTARE

0.58 kg

472

2018

Fundi i viteve 30’... Maksimilian Vagner, një gjerman me gjak të pastër arian dhe pedagog në universitet, bie në dashuri me vajzën e bukur hebreje të quajtur Nadia. Pas martesës, për të fshehur identitetin hebre të Nadias, ajo mori emrin Deborah... 

Me shume detaje

1,300 L

Pershkrimi

Presionet dhe dhuna e hitlerianëve ndaj hebrenjve bëhen të padurueshme dhe nga frika se mos zbulohet identiteti i vërtetë i vajzës, Maksi dhe Nadia vendosin të shkojnë në Paris dhe të jetojnë atje në qetësi.
Gjatë udhëtimit me tren për në Paris, Maksi largohet për një çast...
Viti 2001… Maksimilian Vagner, 87 vjeç, një shtetas amerikan me origjinë gjermane, i cili në fund të viteve 1930 ka dhënë leksione në Universitetin e Stambollit, kthehet në Stamboll pas 59 vjetësh. Për të shoqëruar atë nga universiteti mikpritës është caktuar Maja Duran, 36 vjeç, specialiste për marrëdhëniet me publikun. Profesori vjen në Stamboll jo vetëm për të mbajtur leksione, por edhe për të kujtuar fundin tragjik të historisë së tij të dashurisë me Nadian. Maja jo vetëm përfshihet në një histori dashurie mbresëlënëse gjashtëdhjetëvjeçare, e cila shpaloset ngadalë-ngadalë, por edhe mëson shumë sekrete të historisë botërore dhe të familjes së saj.

Nëse organizatorët e dhënies së Çmimit Nobel do të kishin refleksin që për çdo vit këtë çmim t’ia jepnin një libri, atëherë romani “Serenata” i shkrimtarit turk Zülfü Livaneli do ta meritonte njëzëri. “Serenata” është një roman i punuar si qëndismë dhe i ngarkuar me emocione sa “Cinema Paradiso” e regjisorit italian Tornatore. Nga ana tjetër është po aq i ashpër dhe mbresëlënës sa “Holokausti” i Spielbergut. 
- Selahattin Duman, gazeta “Vatan”

“Serenata” është një vepër madhështore e muzikës së jetës. Fillon më një thirrje për dashuri, vijon si një sonatë drithëruese, i magjeps lexuesit si një simfoni e fuqishme. Një vepër klasike livaneliane...
- Talat Halman

“Serenata”, ashtu si do të jetë e përjetshme në letërsinë turke, do të mbesë si një vepër e rëndësishme edhe në letërsinë botërore. 
- Prof. Dr. Onur Bilge Kula

- Livaneli nxjerr në ditë të diellit të vërteta që nuk i dimë, që i kemi harruar dhe ndoshta nuk na pëlqejmë kur i lexojmë. Ky libër na mundëson të zhytemi në emocione të thella dhe intensive. Romantizmi, historia, emocioni, të gjitha janë të fshehura në këtë libër. I shkruar me një stil të suksesshëm sa lexuesi nuk dëshiron ta heqë nga dora. 

- Disa herë do ta vendosni veten në vend të heronjve të librit. Disa herë do ta gjeni veten në mes ngjarjeve të mbetura mistere në histori. Një histori dashurie tragjike e shkruar duke u shkrirë me ngjarje të vërteta historike. Në këtë libër që trajton një periudhe historike të errët, Livaneli masakrën e përbashkët të Rusisë, Anglisë, Turqisë dhe Gjermanisë ia përcjell lexuesit bashkë me një histori dashurie.

- Zülfü Livaneli në romanin “Serenata” e ka treguar gjithçka në mënyrën më të mirë. Ka dhënë informacione, ka pasqyruar kulturën e shoqërisë, ka nxjerrë në pah historinë e vërtetë, ka lartësuar madhështinë e dashurisë.

Zülfü Livaneli (lindur më 20 qershor 1946) është shkrimtar, poet, muzikant, dhe politikan turk.
Livaneli njihet për romanet e tij që ndërthurin sfonde të ndryshme sociale dhe historike, figura dhe ngjarje, si te "Lumturia" me të cilin fitoi në vitin 2006 çmimin "Zbulimi i Shkrimtarëve të Rinj" nga Barnes & Noble, apo si te "Serenatë për Nadian", "Shtëpia e Lejlës" dhe "Historia e tim vëllai", libra që janë përkthyer në 37 gjuhë dhe kanë fituar disa çmime letrare turke e të huaja e janë vlerësuar lart nga kritikët letrarë anembanë botës. Romanet e tij janë realizuar filma, teatro dhe opera.
Livaneli u burgos disa herë gjatë grushtit të shtetit të vitit 1971 për shkak të bindjeve politike dhe iu del të ikte nga Turqia e të mërgonte në 1972. Jetoi në Stokholm, Paris, Athinë dhe Nju Jork, ku u njoh me bashkëpunëtorë, artistë dhe intelektualë si Eliza Kazan, Artur Miler, Xhejms Balduin dhe Peter Ustinov, mes të tjerëve. Livaneli u kthye në Turqi në 1984. 
Veprat e tij, njësoj si veprimtaria politike dhe kulturore, së bashku me kontributin për paqen botërore u njohën nga UNESKO-ja në 1995 dhe ai u emërua Ambasador i vullnetit të mirë në UNESKO, një post që vazhdon ta mbajë edhe sot. Ka shërbyer një mandat në parlamentin turk dhe në Këshillin e Evropës.
Livaneli nuk është vetëm shkrimtar, por edhe poet, autor tekstesh këngësh, aktivist politik dhe kulturor. Edhe pse në fillim u njoh për shkak të muzikës bashkëkohore, Livaneli e ktheu vëmendjen drejt shkrimit këto dhjetëvjeçarët e fundit, kur kuptoi se letërsinë e kishte më tepër për zemër. Koleksioni i tij i parë me tregime "Një fëmijë në purgator", i botuar në 1978, u bë film nga televizionet gjermane dhe suedeze. Ai është edhe një politikan i njohur social-demokrat që ka shërbyer si deputet. Muzika e bëri të njohur Livanelin. Një koncert i tij në Ankara në 1997 u ndoq nga jo më pak se 500 mijë njerëz. Bashkëpunimet e tij me grekun Mikis Theodorakis janë quajtur si një gjest që afron dy vendet. Livaneli ka kompozuar mbi 300 këngë, një rapsodi të regjistruar nga Orkestra Simfonike e Londrës dhe një balet.

Vleresime

Shkruaj nje koment

SERENATA

SERENATA

Fundi i viteve 30’... Maksimilian Vagner, një gjerman me gjak të pastër arian dhe pedagog në universitet, bie në dashuri me vajzën e bukur hebreje të quajtur Nadia. Pas martesës, për të fshehur identitetin hebre të Nadias, ajo mori emrin Deborah...